757.færsla. týndi dagurinn
Í dag er ég eirðarlaus og einbeitingarlaus.
Kannski er það vegna þess að ég vaknaði á vitlausum degi. Ég hélt það væri miðvikudagur. Og gleymdi þess vegna að mæta í vinnuna. En ég mæti bara í staðinn á morgun.
Mig langaði ósköp mikið að læra heima í dag en af fenginni reynslu vissi ég að það væri ekki góð hugmynd. Þar að auki lágu bækurnar og greinarnar sem ég þurfti í nýfengnum skáp á þjóðó. En hingað til hef ég ekki gert neitt meira en ef ég væri heima, þ.e.a.s. ekkert.
Tilgangslaust blogg sem endurspeglar drifkraft höfundarins í augnablikinu.
8 ummæli:
Hey bjallaðu á mig ef að þig langar að gera ekkert með mér í kvöld!
Afró í gær var frekar skemmtilegt, það voru fáir og við vorum aftur að gera sama dansinn og síðast. Ég næ ekki ennþá síðasta hringnum :)
Annars eru hugmyndir fyrir kvöldið:
a) kaffihús
b) vídjógláp
c) á ómálaða striga og akrílliti sem má nota í eitthvað skemmtilegt.
Tek vel í aðrar uppástungur líka (langt síðan við höfum spilað scrabble!)
ég er til.
Finnst þetta allt hljóma vel, nema videogláp. Geri of mikið af því að horfa á sjónvarp.
(finnst í augnablikinu strigi og scrabble mest heillandi, en við Edda Á vorum líka eitthvað að ræða kaffihús um daginn)
Skil þetta með að vakna á vitlausum degi. Ég er ekki í skólanum á mánudögum (nema stundum í verkefnatímum í forna málinu sem ég á mjög erfitt með að koma mér í)svo ég vakna sífellt á vitlausum degi. Á þriðjudögum finnst mér vera mánudagur af því að ég fer fyrst þá í skólann og svo koll af kolli.
Þess vegna er mjög erfitt að muna eftir tímum hjá læknum, hvenær Hrund er búin í skólanum og hvað ég ætlaði eiginlega að gera þennan og þennan daginn.
Stundum fæ ég þessa tilfinningu á miðjum degi. Ha? Hvaða dagur er annars í dag? Átti ég nokkuð að vera í vinnunni?
Ég hefði átt að spila með ykkur lengur, ég svaf yfir mig í morgun hvort eð er !
Til hamingju
Með hvað?
Já, döhh.
Til hamingju sömuleiðis, góð frammistaða
Skrifa ummæli