718.færsla. húsnæði

Vantar einhvern ódýrt og gott húsnæði?

Ég ætla sem sagt að hætta að leigja litlu kjallaraholuna mína og mig langaði til þess að benda fólki á að þarna er laust herbergi núna. Herbergið er vissulega lítið eins og hefur oft komið fram á þessu bloggi:) en þetta er samt frábær staður til þess að leigja á. Kostirnir eru þessir: FRÁBÆR staðsetning fyrir ungt fólk. Mjög mjög stutt frá bænum og ennþá styttra í háskólann. Góðar strætósamgöngur. Eðal meðleigjandi (Auður) og frábærir leigusalar. Og ÓDÝR leiga á þessum síðustu og verstu tímum. Sem sagt: lítið herbergi með aðgangi að eldhúsi, baðherbergi, þvottahúsi (með þvottavél og nokkuð góðu þurrkplássi).

Ég er nú aðallega að auglýsa þetta svona vegna þess að mér hefur fundist svo frábært að búa þarna og vildi því gjarna að einhver sem ég þekki gæti nýtt sér þetta. En þar að auki eru leigusalarnir svo ánægðir með okkur Auði að þeir myndu gjarnan vilja fá einhvern sem við þekkjum og treystum:) Þannig að... ef einhvern vantar húsnæði eða þekkir einhvern góðan sem vantar.... endilega hafið samband við mig:)

Auglýsingu lokið.

Fyndið, í síðustu færslu gleymdi ég að skrifa númer færslunnar. ótrúlegt eftir allan þennan tíma