763.færsla. tilgangslaus skrif um nánast ekkert
Í gær var víst lítil stelpa óánægð með foreldra sína. Þeir bönnuðu henni víst að horfa á vídeó en það tók hún óstinnt upp og upphóf mikið gól. Nema hún gat ekki volað á mömmu sína, af því að hún var leiðinleg, og ekki á pabba sinn, því hann var líka leiðinlegur, og hvað gera þriggja ára börn þá, þegar foreldrarnir hafa svikið þau? Jú...: "Hlíííja ... [snökt snökt]Hlíííja frænkaaaa ...[snökt snökt]...langa fá Hlíju frænkuuuu [ekkasog]".
Ég met það mjög mikils að standa svo nærri hjartarótum barnsins, jafnvel þó ég hafi ekki einu sinni verið stödd í sama bæjarfélagi og hún. Eða neitt.
Ég elska óstíflaða baðvaskinn okkar. Lifi drullusokkar!
Er mjög ósátt við það hvað húðinni minni og heita vatninu kemur illa saman. Húðin lætur alltaf eins og ég hafi skrúbbað hana með naglabusta eftir að ég fer í heita sturtu. Ég nenni ekki alltaf hreint að vera að maka mig alla út með kremi. Það er tímafrekt. Á svona stóran líkama sko. En ef ég sleppi því líður mér eins og dýnan og sængin séu gerð úr stingandi nálum. Og ég sem elska að vera í vatni. Bölvað.
3 ummæli:
Flytja bara norður Hlíf mín. Burt úr þessu höfuðborgarsvæðisheitavatni. Yndislegt að eiga einhvern að sem sem hefur óbilandi trú á manni.
Oh, ég er í alveg sömu málum hvað varðar þetta heita vatn. Ég lít alltaf út eins og tómatur eftir baðferðir og mér finnst MJÖG MJÖG leiðinlegt að maka kremi á mig. Og ekki er nú líkami minn heldur lítill.
Afi þinn er svona líka, þú hefur þetta kannski ekki "fra fremmede" eins og daninn segir. Sammála Ellu, bara flytja norður. Allra meina bót.
Skrifa ummæli